Transcription
1
Reçue à Vienne, le 14 octobre 1572.
2
Monseigneur, jay receu voz lettres de Voiron et celles de monsieur le
3
president Bellièvre. Je vous renvoie celles quil vous a escriptes,
4
nayant trouvé icy personne en votre logis, chez monsieur le
5
procureur Girard, lhuissier Preault ne autres qui allast à Laval ;
6
jay envoié à madame mon lacquais avec votre pacquet pour
7
les nouvelles de madamoiselle d’Ourches. Je vous supplie
8
par la première despeche que vous ferés audit sieur Bellièvre, luy
9
faire tenir le pacquet cy enclos, car je nay point moien
10
de ceste ville de le luy ranvoier. Je vous supplie aussy
11
de commander qu’on baille seurement ung pacquet que jenvoie
12
au seigneur Guiot Henry. Au demeurant monseigneur, le
13
commis pour lextraordianire, present porteur, ma faict veoir estat
14
du paiement que a esté faict aux compaignies soubz la charge
15
de monsieur de Brissac. Je lay tout veu et les roolles et
16
acquetz de tous les articles y contenues et veriffier les sommes
17
et mesme la somme totalle, qui sont bonnes et reviennent
18
au contenu en icelluy. Il sera tenu de rapporter en la
19
chambre des comptes lestat du roy en vertu duquel vous avez
20
ordonné desdits parties et pour ceste cause, il me semble
21
que ne pouvez faillir à luy signer et expedier ledit estat
22
que ay dedans je vous envoie et par mesme moien
23
luy expedier une commission par laquelle vous aurez depputé
24
le controolleur Besson Bresson à faire le controolle des monstres des compaignies,
25
laquelle il est besoing quil rapporte sur son compte, dauttant
26
que Bresson nest pas controolleur ordinaire. Je ne vous conseillerois
27
pas de le faire si je ne scavois quil est requis den user
28
ainsy. Je demeure en peyne pour ne scavoir ce que le
29
procureur Michallon aura arresté Jehan de Cosmes après luy avoir
30
bailler votre lettre, car suivant cest advis, jeusse
31
[v°] par advanture anvoié de mes chevaulx de ranffort pour ramener
32
ma fille et à ce propos, il vous plairra vous souvenir descrire
33
audit sieur Bellièvre sur ce que vous mavez dict quil fera plus
34
avec trois chevaulx à la suitte de monsieur le mareschal quil ne
35
feroit avec six allant seul par pays.
36
Monseigneur, je me recommande très humblement à votre bonne grace
37
et prie Dieu vous donner santé très heureuse et longue vye.
38
De Grenoble, ce XIIe octobre 1572
39
Votre très humble et hobeyssant
40
Serviteur
41
Prunier